【頭條獨家】參加《造美人》3個月食唔飽冠軍Stella為做女版強 ...

一般選美鬥靚鬥好身材，ViuTV另類美選真人騷《造美人》就啱啱相反，參賽者要挖出自己最醜一面，連主持強尼、沈殷怡同練美娟都佩服她們的勇氣。

本... 頭條日報 娛樂影視 首頁 即時娛樂 日報娛樂 揭頁版 POPNews娛樂 登入 首頁  即時娛樂 Stella捱住餓參加《造美人》就是為入娛樂鋪路，她更想成為女版強尼。

一般選美鬥靚鬥好身材，ViuTV另類美選真人騷《造美人》就啱啱相反，參賽者要挖出自己最醜一面，連主持強尼、沈殷怡同練美娟都佩服她們的勇氣。

本身做直播主持的冠軍27歲Stella（楊芷羚）亦承認要冒住打爛飯碗的勇氣參加比賽，中途更辛苦到想過放棄退賽。

而Stella跟亞軍29歲Ice（嚴楚翹）和季軍24歲Ann（陳芊妤）參賽其中一個原因都為在娛樂圈發展鋪路，Stella坦承想成為女版強尼，主持演戲瓣瓣掂，想向演員路發展的Ice和Ann就最想跟鄧麗欣和凌文龍合作偷師。

撰文：杜淑霞攝影：梁志明Stella認為自己上鏡面形仲可以再瘦，所以不排除將來再微調。

Stella比賽完了4個月開心身材冇走樣，「仲維持到喺決賽嘅磅數唔夠55、56kg度，不過想線條再靚啲。

」Stella一直好想玩真人騷，因覺得自己性格好適合團體生活，但之前見到《廣告女皇》或者《美選D.n.A》總覺得自己樣貌同身材都未Ready，直至見到《造美人》個post，「可以接納你覺得自己唔好嘅嘢，甚至係樣貎身形，我覺得好吸引我，呢次冇得sayno啦！」對於三位主持都認為參賽者勇氣可嘉，Stella坦承是抱住打爛飯碗的勇氣參賽，「因為我本身係做直播，係有濾光鏡，着衫又可以遮同埋化妝可以就唔同角度，但如果上電視，我嘅身形係乘大一點五倍，我嘅勇氣係打爛飯碗，最驚係打爛咗個飯碗又黐唔番，好彩最尾個名額畀咗我入圍。

」辛苦到想退賽鏡頭前性格開朗，屬心態好積極參賽者的Stella，原來面對地獄式減肥，決賽前亦一度想過放棄退賽，「我有3個月，冇超過一個星期食正常餐，真係好辛苦，但係嗰100日我係唔覺得辛苦。

去到決賽最尾，我有一個半禮拜冇食過任何澱粉質，真係覺得好辛苦，我哋又好長時間要排舞，有一刻我係想退賽，因為我真係好攰，我覺得自己又瘦咗，真人騷又去到尾段，我想要嘅得益都攞咗，我又唔係求冠軍，工作人員feel到我情緒好down，同我講『你差一步，咁大分別咁fit，唔行埋呢步好蝕喎！』嗰刻我調整番自己心情。

」除了想令自己變靚之外，Stella坦承參賽亦為娛樂發展鋪路，因明白做直播主持不可能做一世，未跟ViuTV簽約的她，如果有機會加盟，除了望有機會跟當紅的MIRROR和ERROR合作外，更加視強尼做奮鬥目標，「想做女版強尼，強尼佢唱歌好聽，又可以做頒獎嘉賓，又可以做埋司儀，仲可以做評判，呢個係目標嚟。

」決賽前Stella戒掉個多星期澱粉質，才能以這個fit爆身材現身。

Stella除了奪得《造美人》總冠軍，更得到「突破原美大獎」。

輸在上圍級數雖然輸了給Stella，但Ice和Ann坦言輸得心服口服，不過因三人感情勁好，又搞笑互窒時爆肚指她們只是輸了給Stella上圍cup數，Ann說：「我波細一定比唔上波大嗰啲㗎啦！哈哈！」Ice說：「我哋係鬥改變唔係鬥靚所以冠軍係唔靚㗎！哈哈！去到節目中間我都好想驗證一樣嘢，就係我唔係眼大鼻高嗰啲，又唔係身材玲瓏浮凸，我係咪一世都唔靚，出嚟攞第二喎！（Ann：我哋輸咗個波！）嗰零點4分，佢個波值零點4咋！差個cup！哈哈！其實節目話畀其他女孩子聽，靚唔係得一個方式同倒模嘅。

」本身做演員的Ice，以及在演藝讀書的Ann兩人都承認得獎後加強了入行信心，亦希望有更多演戲機會，Ann最想跟凌文龍合作，「我哋本身識嘅，我哋上戲劇堂佢好多時都會坐喺度。

」Ice就希望跟鄧麗欣學嘢，「我覺得佢演得好好，唔係初出道淨係賣外表，可愛嗰啲，而係真係好有戲。

」參賽時Stella肥腫難分，難怪她認為要抱住打爛飯碗的勇氣。

Ann、Stella和Ice參加《造美人》過程不但冇不和，仲變成好姐妹，互窒都唔介意。

比賽後自信返晒嚟的Ice，唔再怕了影相。

總分輸Stella零點4分屈居亞軍的Ice，更得到參賽者互選的「內在美人大獎」。

由參賽初期一直被評判認為樣貌標緻的Ann，但到現在才有自信望鏡頭。

Ann是少數參賽者要增磅，但過程一度令她好迷失而想過放棄。

約埋徐濠縈梁漢文老婆杜如風Staycation睇奧運 其他文章 TVB微信視頻直播賀年音樂會王祖藍出動一家四口全力支持 美國小姐冠軍CheslieKryst墜樓身亡終年30歲 林夏薇開完工忙住為豪宅貼對聯圈中阿太們為農曆年作最後衝刺 韓團DRIPPIN兩成員喉嚨痛證確診VIVIZ出道前全員染疫 言承旭祝賀舊愛林志玲做媽媽替對方感到開心 膠戰S2丨Edan為贏遊戲公然認鹹濕Hillary被肥腸錫錫勁無奈 熱門新聞 新春迎虎年｜唔想行衰運初一至初九禁忌你要知  上水屋苑內巷淪扒手黑點 徐英偉辭職｜人工損失達七位數三個月內連環賣物業套現近1800萬 上環衝突｜15人暴動罪成押下月判刑官：唔鍾意判人坐監但須為其行為負責 「蟲草大王」陳恩德抽起TVB廣告改同ViuTV合作 第5波疫情｜葵馥苑安葵閣等5座大廈居民除夕夜撤離 和你shop｜3男女暴動罪成今求情官：被定罪後先有悔意嚟得遲咗 Juicy叮｜元朗大棠谷偶遇孔雀開屏行山客：今年有運行 首名虎B搶閘出世荃灣港安醫院女嬰零時零分順產出生 洪卓立疑錯手爆戀情用男友視角Po《膠戰》Hillary甜笑攬狗相