千祈唔好玩塔羅牌，因為…… | 港生活- 尋找香港好去處

我一直都好唔明白，到底係邊個發明紫微斗數、算命睇相、塔羅牌之類嘅嘢。

占卜呢家嘢係無得輸嘅。

收你幾舊水，答幾條問題：「今年一二月、七八月、十 ...   優惠著數 玩樂情報 購物情報 飲食情報 熱話 主題特集 周圍遊 18區好去處 影片專區 商場情報 會員專區 正在閱讀 千祈唔好玩塔羅牌，因為…… 用App開啟 下載App睇最新著數優惠 × 千祈唔好玩塔羅牌，因為…… 本地熱話 八卦娛樂 文:9527 2016.05.24 文：B612 圖：Flickr@DanaBeveridge如同邊一個發明了返工。

我一直都好唔明白，到底係邊個發明紫微斗數、算命睇相、塔羅牌之類嘅嘢。

占卜呢家嘢係無得輸嘅。

收你幾舊水，答幾條問題：「今年一二月、七八月、十一二月都有機會發展喎，睇你識唔識把握啦！」完全係無位入，因為點都一定啱。

 其實，我唔係想話啲風水佬、占卜師會呃你十年八年。

相反，我係因為覺得算命太準，先以後唔敢再玩。

第一次去玩塔羅牌，係同我前度去嘅。

嗰時感情有啲暗湧，有晚食完飯經過廟街，我提議一齊去玩占卜。

我好清楚，自己其實係想借怪力亂神說服佢。

話唔定會算到我係佢真命天子，而佢又真係信呢？幾大就幾大啦。

結果，阿廟街玲姐，竟然當住我面同我前度講：「而家同你糾纏緊嗰兩個都唔係喎，你兩個都唔好揀啦。

」喂！咁即係playXme姐！話晒都係我出錢占卜，你而家咁樣兜口兜面hurt我天理何在呀？ 跟住輪到我。

最精彩嘅係，佢，竟然，話，我嘅感情，係好坎坷曲折，唔到38歲都唔洗旨意會穩定落嚟。

38歲……38歲呀！到底有咩仆X得過，你明明已經覺得自己都被個天玩夠喇啩，浮浮沉沉咗七、八年，咩嘢感情挫折都經歷過晒，好想安定落嚟，然後佢話俾你聽——唔好意思，其實，你條命係要衰多十年先可以修成正果。

 當時嘅我，係決定唔信佢講嘅嘢。

有一個理論叫做「自我應驗預言（self－fulfillingprophecy）」，大概係話自己一個人對事情嘅期望，係會影響到事情嘅發展。

有人同你講你一定唔會升職做到腦細架喇，所以你都覺得自己唔會，無謂嘥心機捱眼瞓直接放pea，最後當然真係做唔到啦。

問題係，到底係你本身真係唔得，定係因為佢咁講完先唔得？如果無人咁同你講過，會唔會喺另一個平行時空，其實你係做到架呢？唉我唔理，總之嗰時，我好努力修補同前度嘅關係，都過咗一兩年蜜月期架，我仲大膽到同佢求婚，一切都好似漸入佳境咁。

而下場好明顯啦，佢咪就係做咗我前度囉。

同佢分手之後，我又拍咗陣散拖，然後遇到而家呢個女朋友。

距離38歲大限，仲有好Q咁多年，但係，我已經好想同佢步入人生另一個階段，一齊生活。

而且，我好想打破「38歲」呢個詛咒。

 有啲嘢，見過鬼就自然怕黑。

我唔係好敢俾壓力我女朋友，但時不時都會提起，不如搬出嚟一齊住，好過大家晚晚OT到天昏地暗，好日都唔見一次。

咩都準備好晒，地方搵咗，傢俬都諗埋，只欠東風。

我甚至已經幻想到，我哋每個weekend去超市買餸返屋企煮飯嘅畫面。

前晚，繼我哋連續OT咗八日無見之後，臨收工，我收到女朋友嘅訊息：「James，對唔住……我諗過，我而家真係無精神力氣去照顧另一個人，又或者去迎接新嘅生活。

可能係我哋認識嘅timing唔夠好，我做唔到。

對唔住。

」 果然。

我就知道個天對我無咁好死架喇。

到底當日幫我占卜嘅係玲姐定霞姨，準定唔準，我真係唔知。

不過計一計……嗯，仲有八年零三個月又十七日，38歲其實都好快到姐…… 本篇圖文獲作者B612授權刊登，未經准許，請勿轉載！B612Facebook：https://www.facebook.com/b612lpp/ 作者的其他文章：>> 分手，Unfollow前度Facebook是常識吧 >> 開張附屬卡俾女朋友，不知幾有型>> 去旅行唔是奉旨幫你代購的  B612 網路作家 分享 立刻訂閱Telegram優惠頻道：  港生活 ↓會員迎新禮遇150UFun換禮遇↓ ↓立即入App到任務區領取↓ ↓「App限時搶」11月破天荒優惠！↓ ↓逢星期三大派壽司郎現金券！↓ 評語 登入發表意見 本週話題排行榜 1 本週最新活動 2 最新著數優惠 3 放假一日遊推介 4 精選網購減價 5 本地人氣打卡位 6 酒店優惠2021 相關文章 App獨家 【燒烤場推介】全港10大BBQ燒烤場推介$150起食到！任食流水蝦+串燒放題/海景賞月 網民熱話 【書展2018】兩位新晉作家獲選推薦作家　與張愛玲亦舒齊名 玩樂情報 鄺俊宇被指做評判抄襲參加者作品FB發文大方回應：鄺囝抄鄺囝 玩樂情報 女朋友為咗對廉航嘅堅持，同我鬧交 本週話題排行榜 1 本週最新活動 2 最新著數優惠 3 放假一日遊推介 4 精選網購減價 5 本地人氣打卡位 6 酒店優惠2021 【App獨家】限時搶11月限定 壽司郎HK$100現金券 前往App睇文 繼續瀏覽器觀看 獨家優惠 《香港國際汽車博覽IMXHK2021》標準門票 150 立即換領 購買±0正負零韓燒烤盤即減HK$100 ±0正負零 10 立即換領 【新會員限定】珮夫人鼻爽貼(7片裝) 180 立即換領 更多優惠 輕掃查看其他優惠 分享 更多熱話 更多熱話