生活∙ 智庫| 美國大選知多啲- Citi Hong Kong

美國總統大選並非由普選直接選出，而係行「選舉人票」制（Electoral College）。

各州份會按照自己喺參眾兩院的代表人數，決定實際擁有選舉人票嘅數目。

請稍等。

最HIT話題 美國大選知多啲 全球矚目嘅美國大選已經進入最後倒數階段，兩位總統候選人相信會繼續成為外界關注嘅焦點。

除此之外，呢項政壇盛事都有其他值得留意嘅地方，以下嘅小知識，大家又知幾多呢？小知識一：「選舉人票」係啲乜？美國總統大選並非由普選直接選出，而係行「選舉人票」制（ElectoralCollege）。

各州份會按照自己喺參眾兩院的代表人數，決定實際擁有選舉人票嘅數目。

睇返上屆大選，雖然民主黨候選人希拉莉獲得較多票數，但最後結果都係由共和黨候選人特朗普勝出選舉。

目前美國共有538張選舉人票，而大部分州份都係「贏家全取」方式，即贏得普選嘅參選人，可以攞晒全個州嘅選舉人票。

最後邊個候選人可以攞到過半數選舉人票，即係270票，就可以登上總統寶座。

喺11月3日舉行全國投票之後，各位「選舉人」（Elector）就要喺12月14日跟據自己個州嘅普選結果進行投票，正式確定美國總統人選；而新一任美國總統，將會於2021年1月20日宣誓就職。

小知識二：郵寄選票係好事定壞事？今年大選受到疫情影響，預計採用郵寄投票（mail-inballot）嘅選民有機會大幅增加。

根據BrookingsInstitute分析，由於疫情導致唔同州份各自延長提前或缺席投票嘅時間，最後可能有近一半選票係通過提前投票或郵寄方式進行，有機會觸發民主同共和兩黨之間對選舉結果嘅爭議。

若然美國郵政署喺選舉日前有大量郵件積壓，可能會導致部分選票延遲送達；由於部分州份已經宣布咗唔會計算遲咗送到嘅選票（就算郵戳喺11月3日之前都唔計），令成件事變得更複雜。

有政治專家表示，獲勝者喺選舉日未必能夠證實自己當選，甚至可能需要一星期甚至更長時間先能公佈結果。

若然雙方所獲票數相當接近，任何一方都有機會對選舉結果提出質疑。

小知識三：參眾兩院選舉結果同樣重要除咗總統寶座，今次大選亦將改選國會參眾兩院議席。

其中參議院每屆任期為6年，議員嚟自50個州，共有100位議員，今次將改選約三分之一席位；而眾議院每屆任期為2年，今次將改選全院435個議席。

比起參議院，眾議院向來被視為更加能夠反映民意及更具有黨派色彩，不過其實參眾兩院並無先後之分，佢哋嘅立法權力係均等。

目前共和黨喺參議院100個議席中佔據53個，係多數黨；但係只要民主黨喺今次選舉攞多5席，就可以喺參議院話事。

另一方面，眾議院現時嘅多數黨係民主黨，佔當中235個席位。

議會嘅形勢變化，對來屆美國總統能否順利推動經濟政策及其他重大議案可謂息息相關，對環球及投資市場亦會有一定影響，值得投資者關注。

想緊貼更多市場消息，把握投資機遇？除咗美國大選，其他因素都仍然會影響住市場走勢，如果有個專業可靠嘅拍檔一齊幫手計劃，自然會事半功倍。

好似Citigold就有400位財策分析師，為您剖析全球超過70個地區投資市況，幫您捕捉環球機遇。

無論身在何處，您都可以透過CitiLiveChat與客戶經理及財策顧問進行視像對話，以螢幕分享為您提供市場資訊，分析資產組合表現，隨時隨地為財富增值，為摯愛穩中求富。

晉身Citigold可享豐富現金回贈！ 立即開戶 美國大選大選冷知識投資機遇財富管理Citigold 免責聲明 投資帶有風險，亦有可能導致本金的損失。

在任何情況下，過往表現未必可作日後業績的準則。

任何人士於作出投資前，應尋求獨立諮詢，考慮有關投資是否適合您！ 推介文章 美國大選前夕，應該點樣部署好我嘅投資組合？   最HIT話題 點解美股ETF咁多LIKE？   專家高見 您嘅人生大計，決定您嘅理財方向   專家高見 要穩中求富，分散投資絕對係關鍵！   最HIT話題 推介文章 美國大選前夕，應該點樣部署好我嘅投資組合？   最HIT話題 點解美股ETF咁多LIKE？   專家高見 您嘅人生大計，決定您嘅理財方向   專家高見 要穩中求富，分散投資絕對係關鍵！   最HIT話題 免責聲明 投資帶有風險，亦有可能導致本金的損失。

在任何情況下，過往表現未必可作日後業績的準則。

任何人士於作出投資前，應尋求獨立諮詢，考慮有關投資是否適合您！         分享俾朋友 分享俾朋友 最HIT話題 食玩買專家 旅遊達人 推介文章旅神6部曲日本旅遊懶人包台灣旅遊懶人包泰國旅遊懶人包 職場新丁 一家大細 理財101 專家高見