X光機- 維基百科，自由嘅百科全書

1895年9月8號，德國物理學家倫琴喺次實驗當中，喺谷克斯管發現咗條神秘射綫而將佢改名做X光，後嚟倫琴研究咗呢條射綫足足成個半月，重發現佢識射穿玻璃、橡膠、木同鋁等 ... X光機 出自維基百科，自由嘅百科全書 跳去導覽 跳去搵嘢 醫療用嘅X光機 安保用嘅X光機 X光機係種產生X光嘅設備，主要用途係喺唔破壞物件嘅前提嚟睇下入面啲嘢係乜。

亦可以用佢嚟搞殺菌或激發熒光。

佢喺醫藥、熒光探測（包括安檢）、電子裝配檢查、測量建築材料厚度嘅範圍成日用到。

目錄 1發展史 2應用 2.1醫療 2.1.1X光診斷 2.1.2X光治療 2.1.3X光防護 2.2安保 3攷 發展史[編輯] X光機係根據英國科學家威廉谷克斯喺1869～1875年間研發嘅谷克斯管（英文：Crookerstube）原理而搞出嚟。

1895年9月8號，德國物理學家倫琴喺次實驗當中，喺谷克斯管發現咗條神秘射綫而將佢改名做X光，後嚟倫琴研究咗呢條射綫足足成個半月，重發現佢識射穿玻璃、橡膠、木同鋁等好多個物質，甚至用X射綫照住自己隻手重好清楚噉睇到自己啲骨同肌肉啲影像，後嚟研究到X射綫對肌肉嘅穿透性都好犀利下，但對密度比較大嘅骨骼得好渣嘅穿透性。

隨後喺1896年1月18號，H.L.史密夫研發咗全球第一臺X光機，重喺1904年世界博覽會由克拉倫斯·麥迪遜·戴利（英文：ClarenceMadisonDally）現場介紹咗X光機嘅原理同功能[1]。

X光機出街之後初期冇乜點關注，直到1940～1950年代先至被關注，最初用嚟檢測對鞋有冇質量問題，但因為有太多帶危害性嘅電離輻射而逐漸拋棄咗，甚至喺1957年，美國賓夕凡尼亞州政府正式封殺呢部設備。

不過X光機產業未受到打擊，同年由美國物理學家羅拔·占美臣·范德格拉夫（英文：RobertJ.VandeGraaff）同埋莊佐治侵（英文：JohnG.Trump）聯手，一齊整咗部成百萬伏嘅X光機出嚟。

應用[編輯] X光機主要喺醫學同安保領域用到[2]。

尤其喺正規嘅大醫院同大型車站、機場、海關、邊界邊境站成日見到佢。

醫療[編輯] X光診斷[編輯] X光好多時喺診斷範圍內用。

主要靠X光嘅差別吸收、感光同埋穿透、熒光呢四大作用。

由於X光先穿過人體會受到唔同程度吸收而携带咗人體各部分密度分佈嘅信息，再喺屏幕或攝影菲林上（經過顯影同定影）將整出唔同密度嘅陰影。

之後按陰影嘅濃淡情況、再結合臨床表現、化驗結果同病理診斷，最後判斷到人體指定邊個部位係唔係正常。

X光治療[編輯] X光好多時喺治療範圍內用。

主要先按佢嘅生物效應，再應用喺唔同能量嘅X光對人體發病部份嘅細胞組織搞照射，就可以得到被照射嘅細胞組織有冇受到破壞或抑制而達到醫到某啲疾病（例如腫瘤）嘅目的。

X光防護[編輯] 雖然X光可以喺診斷同治療範圍內都有好大用途，但亦令病人出現甩髮、皮膚燒傷、工作人員出現視力障礙、白血病等電離輻射問題。

所以啲醫護人員為咗防止X光嘅傷害而整咗相應嘅防護措施。

安保[編輯] 一般經過X光機啲行李，工業控制電腦會出呢啲帶顏色嘅相。

原理係專門檢查有冇違禁品出入。

X光機亦喺公安、法院、部分體育文化場所、會議中心、博覽中心、行李寄存、部分大商場、部分旅遊景點、部分酒店、機場、拘留所、監獄、火車站、地鐵站、大型碼頭、檢察院等人流密集、同埋涉及政府部門嘅場所為咗集體同公眾安全而設定。

佢主要借助傳送帶，將被檢查行李送到傳輸帶通道，行李入咗通道之後將阻擋光嘅障礙信號成為檢測信號，送到控制單元，觸發射綫源發射X光信號，穿過傳輸帶入面睇行李物品落到雙能量探測器入面，最後將接收到嘅X光轉成電信號兼直接量化，最後通過串行總線傳送到工業控制電腦處理，最後得到高質量嘅相。

而家X光機主要用嚟檢查訪客或乘客有冇帶咗啲易燃易爆有毒等危險性物品及帶有殺傷性嘅武器在內。

攷[編輯] ↑King,Gilbert(14March2012)."ClarenceDally-TheManWhoGaveThomasEdisonX-RayVision".smithsonianmag.com.喺13November2016搵到. ↑X光机的原理及应用[失咗效嘅鏈] 睇傾改安保檢測儀器紅外綫探測器 |X光機 |金屬探測器 |安檢門 |液體檢測儀 |核素識別儀 |爆炸物毒品探測儀 |全身掃描儀視音頻設備監控 |閉路電視 |紅外綫探測器 |偷聽器人手保安 |安檢員 |安全檢查 |二次安檢物品處理危險物品儲存罐 由「https://zh-yue.wikipedia.org/w/index.php?title=X光機&oldid=1750471」收 屬於3類：X光檢測儀器保安屬於1隱類：有失效鏈嘅頁 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 變種 expanded collapsed 外觀 閱改睇返紀錄 多啲 expanded collapsed 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲話 العربيةEnglishفارسیFrançaisItalianoLietuviųDinébizaadRomânăРусский中文 改拎