成交量的啟示(7)：個市點睇？ @ MARBO「三柱投資法」創立人

成交量的啟示(7)：個市點睇？ 2013/3/31【Marbo-Blog】︰恆指自最近一次底部2012/11/16約21203上升至2013/2/4約23944，短期見頂後回落(假前3/28 ... MARBO「三柱投資法」創立人我很浪漫，所以善於理財，因為不要為錢出賣藝術，更不要心愛的人捱著餓一起看星星！日誌相簿影音好友名片 201304011544成交量的啟示(7)：個市點睇？?成交量的啟示 成交量的啟示(7)：個市點睇？ 2013/3/31【Marbo-Blog】︰恆指自最近一次底部2012/11/16約21203上升至2013/2/4約23944，短期見頂後回落(假前3/28約22299)。

期間，市場一直意見紛紜，看好看淡無日無之，很多投資者一如既往無所適從。

看開本Blog的朋友都知Marbo堅持只買實股，「三柱投資法」大概在2月中23400點左右食左「攻」一柱獲利，袋袋平安。

現在一手執貨底(守)，一手執錢(備)，輕輕鬆鬆游手好閒咁睇緊個市點玩野，上又得落又得。

以下2013/2/21至3/31一段留言，正好是筆者與友人身處其中的討論。

在此亦先謝過朋友Wing雅量，讓筆者可以潤飾補充內容行文與大家分享經驗。

  Wing(2/21)︰「謝謝Marbo的好文章，我返來囉！」   Marbo(2/21)︰「歡迎你返來啊！......呀，個市已在調整(筆者後按︰恆指2/4約23944，2/18約23454，市場上仍是看好，未確認為是跌市)，你要開始下功夫多多留意了。

升市不會無止境的升，跌市也不會無止境的跌，至於幾時先係底或頂，你就好好想回之前所學，再在實際應用時多拿經驗吧！」   Wing(2/21)︰「是呢！股票我今天也有留意，我今天看相信已調整得差不多了。

不過對港股未有把握，所以沒有入市。

『第二柱』仍在等待中，反而我覺得值得留意是A股，特別是持實股ETF，這幾天回調得很急，差不多有10%了！下跌佔了有史以來的升勢三分之一，而且今天成交股數放大。

開始時段是不斷有人沽，到後半段開始有人接貨。

特別是尾段，價格停在一位置上橫行，不上不下。

但我看著成交金額一直放大，相信大戶開始出手收貨了。

我買了少少，試試自己眼光是否對，錯了就反省。

哈哈，反正A股P/E才9倍呢！」   Marbo(2/22)︰「以我經驗看，這(調整)只是一個開始，我們就拭目以待吧！反正你都知我唔估個市嘅，但你可以動動腦筋想一想計一計大戶究竟出哂貨未，同跟住係做好易定係做淡易囉！呢啲野好難用文字寫出來單向說明，只有給你一點個人經驗，你就好好去思考吓，之後又是累積了一次寶貴經驗，時間耐左就會越來越清晰了。

A股的P/E及數據，我是有戒心的。

」   Wing(2/22)︰「謝謝，我有一個疑問，關於捕捉大戶手影，我嘗試去計算成交量的『紅藍柱仔』(筆者按︰見本文圖『經濟通』當天陽燭成交量同用紅色，陰燭同用藍色表示)，遇到一點困難。

我看過一本書，也有簡略說明計算成交量的累積。

方法是如果當天價格上升，將成交量加起來，價格不變，成交量不增加，價格下跌，將成交量減少。

但我認為方法有問題，如果成交量巨大，價格微跌，是否應將成交量減去呢？因為一天可以出現很多次沽貨和買貨，以最後收市價定段一切，好像不太準確。

請問Marbo可指點一下方向嗎？謝謝！」   Marbo(2/22)︰「這一點我也同意你的疑問。

在『價升價跌』事件上，不同的門派有不同的看法。

以『供求曲線』配合『成交量』是Marbo自己想出來的，是以每一日市況去想，不會簡單的以『紅藍棍』去斷定是升還是跌。

當然，以紅藍棍看，這基本上是可以的，但不可以偏概全，最後還是以『供求曲線的移動』去判斷是『供應改變』(SupplyCurveShift)、『需求改變』(DemandCurveShift)，還是兩者同步改變(詳閱前文『成交量的啟示』系列)。

  具體來說，Marbo『基本上』是以Day2的收市價與Day1的比較。

表面來說，Day2高於Day1就是升，反之是跌，成交量如是，不過這只是最基本的，要小心！舉個例子︰Day2裂口高開低收，而低收價又高於Day1的收市價，甚至是最高價，這時當然Day2是陰燭或者藍十字，成交量是『藍棍』。

不過，是否因為是藍色(陰燭)而判斷為跌呢？當然不是了！所以不可以單單以『顏色』來看，而是以實際升跌來看，再比較成交量是增加還是減少，這才判斷是供應還是需求在改變。

此法當然是比較『慢』，不過，個人創出來是以『供求曲線理論』為基礎的，坊間的你就自己考慮考慮吧！   當然，這時或許有人會說陰燭(陽燭)當天Intra-day不是跌(升)嗎？可是如此，當天的成交量又要與哪一天比較呢？如果與昨天比，那價格卻用了今天Intra-day，不是邏輯上說不過了嗎？比較要以同一個基準去比，不可以價格用日內的變化，而成交量就用每天的。

如果價格以當日的升跌來算，那麼成交量也要是當日的，可是每一日的成交量必然是由零累積上去的，那不是只增不減了？反璞歸真，以實際買賣來看，你昨天$10買了，今天裂口高開$15之後一直回落直插到收市時是$11，那麼，你認為是升了還是跌了呢？   然而，這只是一個最基礎的看法。

就以剛才的裂口高開低收例子說，即使『價升成交增』是『需求增加』卻不一定是後市看好的。

成交量增(大)可能是看錯市的是大部份人，包括出貨大戶的對家大戶，也可以是大戶抽高派貨的手法。

同樣，『價升成交減』雖然是『供應減少』造成，卻可以是大戶做手腳，例如是慢慢硤高派貨。

這一點是很多『學者』、『專家』沒有足夠實際經驗而誤失了的。

所以，對於成交量及價格變化要一層一層去分析，不可以單單看一點就算了。

」   Wing(3/4)︰「謝謝！我是以供求曲線配合成交量看的，不過我將升市成交量加起來，再減去跌市成交量，去計算大戶仍有多少股票在手。

但慚愧是我操作不好，也有很多疑問實在想不通。

市場上的行為正正是情緒及反應，價升成交增可以說是市場看好大市。

理論上如果我跟隨大勢，我會賺錢。

但是如果此時才買，即是升了才買，可能已經遲了。

價跌成交增是市場看差後市或恐懼，如果我出貨，反應又可能遲了。

  2月28日是價大升成交增大(後按︰當日恆指升至約23031後輾轉回落)，但如果那天入市今天可是會很慘！我到現在也不太明白怎麼應對。

而且成交量往往要在一兩天後才有數據，有時只有以成交金額去推斷。

好像2月28日，我以為後一天會上升，可是我錯了！而且我也以為調整要完結了。

之前看見成交量跌得愈來愈低，價格也跌得得愈來愈少，以為需求減少到減無可減，接近見底，又錯了！大戶的手法是怎樣，一般人是不知道的！他可以是吸貨時把成交量減得很低，高位派貸又可以陰啲陰啲，都唔知佢點玩。

也可能看不到，究竟怎樣才知道大戶操盤手法，請問市面上有書推介嗎？」   Marbo(3/5)︰「首先，研究時你可從最近的底開始作起點，再看一看一年低位如何，如果接近就更好了。

現在順序回答你的問題如下︰ (1)你可能把買賣邏輯及次序相反了。

(2)成交量當天已有，你去看經濟通吧！(3)不可用一兩天升跌及成交量作準。

你心態上好像是短炒卻用了長線概念！我不短炒的。

(4)你多看多思考，就慢慢會看出手法，急不了。

」   Wing(3/11)︰「謝謝，很久沒有認真去計算了。

我由2012年7月26日開始計算，計至2013年3月8日。

目的是測量大戶手上有多少價。

根據每天的成交量及價格用供求曲線去推算。

不論只是需求曲線或需求及供應曲線同時向右，只要是價格上升成交量上升，我也會把增加的成交量當作大戶入貨，一直加起來。

相反，只要是價格下跌成交量增加，我會把增加的成交量當作大戶出貨，一直作扣減。

如果價格上升或下跌但是成交量減少，則當天的成交量不作計算，因為是供應曲線或需求曲線移向左方，即解作為市場供應減少或需求減少，這些都不是大戶的動作，所以不計算，計算完後看到不少東西！   依我計算，大戶最多貨的時候是2013年1月22日，至2013年1月28日開始大手出貨。

出至2013年2月26日為最近最低點，大戶出了手上差不多一半的貨(由2012年7月26日起計算)，至2013年2月28日又開始大手吸貨了，3月8日也是大手吸貨。

如果我沒計算錯誤，調整相信已經完畢，大戶在重新入市。

用供求曲線計算成交量去推算手影真的清晰多了，不知道我的方法是否對呢？為什麼是跌了才買？不是應該和大戶同步買進嗎？因為在下跌時不能推算到大戶出貨出到何時，大戶把所有貨都出掉，出掉三分之一或一半。

沒有人知道，應該怎麼應對呢？謝謝Marbo！」   Marbo(3/11)︰「不可以說絕對的是非曲直，因為大家都是估計，我會以最近的一個低位作起點計算，不會用一年咁長，因為大戶無你咁長遠，佢地心態同散戶差不多，只係錢多、人多，技術高同資訊多，做法縱然比較複雜多變，惟心態上不變，都係唯利是圖。

如果你以最近上一次低位睇，你可能會有唔同諗法。

記住我地有一個盲點，就係唔知大戶場外做左咩，所以現貨市場成交量只係真相一部份，唔係全部。

仲有，成交量細不代表不是大戶動作，人地可以化整為零﹔需求減供應減也可以是觀望及惜售，也可以是大戶行為架！你的看法有點先入為主了。

  第一，不可能與大戶同步，因為你知道時佢地已做左野，你要走在佢地之前就要洞悉佢地下一步想點。

跌左先開始『考慮買』，係因為咁成本先會平左，高追嘅話，你就只會買貴左，人地一調頭你就坐正！唔，我諗你用成本角度去睇可能會明白點。

當然，唔好斷章取義，唔係一跌就買啦！係開始留意佢，等到底先撈，至於幾時係，咁你配合成交量同市況睇啦！捉大魚係要好有心機，同埋預左成日會走雞架！^^」   Wing(3/13)︰「我剛想上你個Blog時，突然變左個頁面︰此用戶不存在！我以為你以後都不再寫Blog了，好唔開心！之後上網用'Marbo'去Search先入得返。

說回股市，我都是不太明白，如果我以最近的低位開始計算，我應該用多長的時間？每週低位，每月低位，還是每三個月低位呢？因為大市之前由18000點升上來，都是因為有人手頭上買了大量的股票，為什麼會使用最近的低位？那麼由18000升上了現在23000點的股票是由什麼人持有呢？謝謝Marbo！」   Marbo(3/13)︰「對不起，我更新左個系統，造成大家不便添！最近低位﹔你睇返最近果個V底就係，今次用日線圖睇6個月一望就有啦！唔好鑽牛角尖，因為大戶係每個低位同高位已食左糊，每個浪頻密起來講緊可能係一個月佢地已轉左倉幾次。

18000升上了現在23000點持有的是長期投資者，例如係我或者一啲退休基金收息果類。

大戶一般指投資銀行、各路大炒家等等，佢地係主導中短期走勢嘅最大力量。

當然，以上嘅只係個人經驗之談，不可以作實亦不可能驗證，所以不可以盡信啊！」   Wing(3/13)︰「啊！最近的V底……即是3月4日啊！真困難！剛再計算一次，不知道我的計法是否錯誤呢？以下為期間恆生指數價量分析︰3月4日，成交量2,172,137,600收市價22,537.81(這天是最近低位，我將大戶手持有貨定為0)3月5日，成交量1,843,253,400收市價22,560.50(價平成交量減，需求及供應曲線減少，並非大戶入市，大戶手持有貨為0)3月6日，成交量1,755,859,400收市價22777.84(價升成交量減，供應減少，因供應減少並非大戶入市，大戶手持有貨為0)3月7日，成交量1,282,193,100收市價22,771.44(價平成交量減，需求及供應曲線減少，並非大戶入市，大戶手持有貨為0)3月8日，成交量1,852,113,200收市價23091.95(價升成交量增，需求增加，今天成交量減去上一天，大戶手上有貨569,920,100)3月11日，成交量1,292,207,200收市價23090.82(價平成交量減，需求及供應曲線減少，並非大戶入市，大戶手上有貨569,920,100)3月12日，成交量1,564,247,400收市價22890.60(價跌成交量增，供應增加，大戶出貨272,040,200，大戶手上尚餘貨297,879,900)3月13日，成交量1,814,290,000收市價22556.65(價跌成交量增，供應增加，大戶出貨250,042,600，累計大戶手上仍有貨47,837,300，差不多出光貨了！) 想問幾個問題，如果價微跌而供求曲線同時向右移，應怎樣判斷為大戶出貨還是入貨呢？如果ETF用此方法是否不行？因為ETF是跟隨其『追蹤指數』的走勢升跌，並不是單單看它的成交量便可以計算的啊！」   Marbo(3/14)︰「唔，你應該先由V前那一兩棍升的看一看。

先是大戶推高個市，之後開始派貨……這當然只是估計，不是一定的，有時你可能要再向前一點推敲一下，反覆驗證......最後還是要靠一點經驗和天分。

你問『如果價微跌而供求曲線同時向右移，應怎樣判斷為大戶出貨還是入貨』，即是供求同時增加力度相約，那就要看一看『成交宗數』。

如果平均每宗數量大，是大戶互撼，好淡爭持之下大貨易手﹔如果每宗成交量較細，則很可能是大戶出貨給散戶，當然大戶亦可以化整為零去掩人耳目。

對，ETF比較難以此判斷，因為有大量對沖野可以做，個股更易看一些。

你可看一看成交量比較大及活躍嘅熱炒股票，相信會有所得著。

記著這只是做研究例子不是說買賣它們啊！另外，你亦可以交叉比較各同類或相近的指數ETF，也可以看到一點手影的。

對個別指數，亦可以同時交叉比較其相關成份權重股的交易情況，這也可從中引證到一點走勢的。

哈哈！一早同你講左係好艱深架啦！學無止境，我自覺都仲係摸索緊喎，咁啱嘅？哈哈，大家一齊來瞎子摸象啦！」   Wing(3/17)︰「謝謝！研究進行中！我今日計完恆指，大戶沽突左，星期一就印證倒知道啱唔啱嘞，不過大戶沽左貨都唔一定要買返，所以摸底真不容易(筆者後按︰事實是星期一3/18裂口低開低收，成交量大增)。

另外現在要更多留意新聞去配合成交量分析，想問Marbo是看那裡的新聞？Yahoo？我成日都有個問號，對不起我是問題人！看新聞，成日報導又話美國開會，一陣間中國又話開會，但係從來都唔會預先知道幾時開會，想請問Marbo是怎樣查到國家有什麼會義和舉行的時間？Yahoo、Sina、經濟通、AAStock？什麼新聞網會較好呢？」   Marbo(3/17)︰「記唔記得差不多一個月前，你話見底好吸引所以買左『第一柱』貨？當時我話恐怕只係跌市嘅開始，而家你睇吓個市……我唔係想馬後炮，只係想你回想一下當時今天嘅想法，咁你就有進步啦！講返成交量，你講得很好，所以︰   (1)大戶下星期可能要補倉，個市可能會反彈一點(稱之為技術性反彈)，即因為借貨沽突(沽空)要補返貨比人，如果係咁，買盤唔會好積極，因為盡量唔想掃上去買貴左。

(2)補貨係一定要，但唔一定要第二日即刻做，因為只要肯比息，可以等嘅(筆者後按︰事實係3/18星期一塞浦路斯出事，大市裂口低開低收成交大增，大戶沽空多一浸之後先慢慢補貨仲得)。

(3)但係如果大戶睇淡，佢就可能會快啲補，因為咁可以有多啲貨沽落(即係類似循環貸款嘅原理)。

(4)因此你要對後市有啲觸覺，時間耐你多左經驗就慢慢會睇倒，當然唔可能百分百，但會有啲譜嘅。

(5)即係話之後彈一彈係比較大機會，但無論彈定繼續插都唔代表係你嘅推論啱定錯，因為大戶唔一定要第二日即刻補貨，亦可以出組合拳，不過思考方向正確，再睇啦！ (6)記住，學成之日，千奇唔好同個市賭上落，一蚊都唔好玩！雖然你會好手痕，越叻你就越手痕！唔好同貪婪、虛榮心做朋友呀！ 新聞我全部都睇，包括Yahoo、Google、免費電視、有線、鳳凰、央視、台視、CBS、Bloomberg等等，越唔同來源越好。

經濟通、AAStock我反而少啲，因為範圍太窄啦！經濟政治係無處不在，而且係一環扣一環嘅，唔可以單一去睇。

我坐地鐵都睇個告示版嘅，呢個係興趣，就好似啲人追劇追娛樂新聞一樣，只會越追越過癮。

唔，人地開會我又無份，除非人地之前爆響口，我當然係唔會預先知道啦！不過好多時我會上網Search吓KeyWords架，都有用，我有時無聊都會上網Search吓野架。

」   Marbo(3/18)︰「今日星期一大市跌到飛起，行文時已跌超過500點，大成交，正如我同你講大戶唔一定要即刻補貨，所以唔一定沽突第二日就彈，呢個亦係我提醒你唔好沈迷嘅原因，真係叻果個死果個，你用尼參考就可以，唔可以用尼做決定嘅。

」   Wing(3/20)︰「謝謝Marbo！我會謹記教誨，最重要保本！其實只要本金夠大，腳踏實地都已經好滿足，如果有100萬，一日波幅都已經成個月人工(筆者按︰輸時亦一樣，到時你就知！)，更別說一年、兩年了！會努力儲好第一桶金，一邊學好技術！星期一真係估佢唔到，塞浦路斯政府合法打劫市民十分一財富……世界真係咩都有！哈哈，想起之前看過Marbo文章話89年出坦克咁’LookOut’！所以就算有信心都要用『三柱投資法』，世事難料，這次經驗更顯示出其重要性！   3月15日睇倒好分歧，用Yahoo股市數據看，3月15日成交量比3月14日成交量少，所以是需求減少，但HKEX港股數據則顯示成交量增大，是供應增加！不過我認為是供應曲線向右移，供應增加更合理。

大戶沽突，不過大市仍然可以成交大，價格大跌，看來連一些較次要的基金公司都把貨出乾淨，看淡後市了。

如果大家都看淡後市了，現在是否吸納好時機呢？或是是後市再下跌的一個警號，應該如何分析呢？ 今天3月19日，成交量比3月18日輕微增大，價格微跌，是供應增加，但奇怪是成交金額卻如此少，是大戶刻意吸納細價股不想別人發現？每宗成交股數大，相信是大戶出手。

從今天陰陽燭看，今天先升後下，應該是有大戶在大手放貨，也有大戶在大手吸貨？謝謝Marbo！」   Marbo(3/20)︰「最重要係唔好賭錢！以下順序回應你︰ (1)係，本金大可以係策略之一，即係大軍壓境，以十圍一嘅道理，不過唔係必勝。

(2)哈哈，人越見得野多越小心！ (3)HKEX係全部港股成交量，Yahoo係恆指成份股成交量。

你說的情況，可能係『當日』成份股已沽得差不多(唔代表日後唔沽)，到二三線洗倉嘞！ (4)你諗吓局勢先，塞浦路斯啱啱上畫，美國佬仲未出野喎。

中國呢？咸水樓、壓樓價、打貪腐、國企讓利......仲有朝鮮挑釁美韓，俄羅斯被人食夾棍又未反擊……好似都未出哂野，啲人似乎仲好鎮定未驚過喎！當然，無事可以完全無野，咁而家買嘅迷係撈底囉，買左沾沾自喜，無買後悔莫及？有事就件件都夠你死，咁到時迷低處未算低囉，買左後悔莫及，無買沾沾自喜？哈哈！問題係你我又有咩可能知道中國、美國、俄羅斯、朝鮮、韓國……佢地做唔做野呢？所以唔好緣木求魚，『攻守備』啦！ (5)價跌左成交金額自然會細左，亦有可能係換緊馬。

(6)而家係集中睇局勢為主，成交量為次。

」   Wing(3/27)︰「謝謝Marbo！計算成交量，大戶好像開始慢慢少少咁補貨，唔知啱唔啱呢？感覺上後市短期明朗了。

最近看了很多新聞，也看了Marbo的歐債危機系列，好明顯是歐盟要吞食了俄羅斯的利益，現在大勢已去，恐怕短時間內出不了什麼新招，但是俄羅斯會不報復嗎？真不知道後面會變成如何，很多殺機在慢慢形成啊！   我對沽空有一個疑問，如果大戶睇淡，假設真的後市再下跌，遲啲再補貨，不是可以再把成本降低嗎？我對沽空的了解是，現在借了一定數量的股票賣出，將來一段時間後再償還相同數量的股票(當中可能有股價上升的風險)，如果遲點再還，不是利潤更大嗎？還有，為何壞消息總是在跌市同一時間公佈呢？市好又不見得那麼多啊！真奇怪！還是因為『森林女神的故事』，好市時壞消息變好，跌市時好消息變壞？這是一直令人費解的問題。

」   Marbo(3/27)︰「第一，要計息計差價成本。

第二，既然大戶知道要補貨硤高，就可以同時買埋期指好倉，咁就套戥左啦！仲殺一野淡友添，之後再沽過，咁叫先殺好後殺淡。

第三，萬一有人仲大力玩對撼回馬槍硤上，沽空就可以輸得好大鑊，呢啲係大戶黑吃黑常見，所謂大戶亦有對頭同失手之時，亦係點解成日勸人唔好同個市賭上落嘅原因。

咩叫越識得多越死得快？就係中間好多博奕你我係睇唔到嘅。

哈哈！你說『為何壞消息總是在跌市同一時間公佈呢？市好又不見得那麼多啊！』，造淡梗係死得人多好多啦！沽空殺倉係無限架嘛！呢個世界無鬼邊死得人丫？所以，唔好『靠消息』或者『估消息』，呢個亦係我一直攬住個傻瓜『三柱投資法』時運高唔聽鬼叫嘅原因。

」   Wing(3/29)︰「謝謝Marbo！果然如Marbo所說，一個一個國家先後出招！塞浦路斯完左，之後又到中國今日出野︰『規管銀行理財產品』！下個可能係美國，但係點解係真係會一個一個國家輪住出呢？為何會有此現象？各國齊心一齊打壓股市啊？但係如果再咁出野，恐怕已經唔止係調整咁簡單了！」   Marbo(3/29)︰「仲有X遠出事，2年連虧，搞到成為A股最大市值ST股(按︰國內ST即是SpecialTreatment是退市警告)，再來一次虧損就有退市危機，當然有人會話到時中央會出手相救，咁又可以當『好消息』炒嘅。

歪理當真理，唔係未見過丫！相信咁而去跟風炒嘅叫唯利是圖，不過君子取之有道，如果不是因為真理而賺的錢我寧願不賺！另外，近期人行已不斷回購資金，即係代表收緊信貸，以前大興土木換增長嘅形勢似乎已變，只係市場好多人都未承認，到承認時可能又係另一次掟貨潮，所以我之前(2月)話係跌市開始。

恆指高位23900至今22200左右不過調整左8%左右，唔算係咩丫！值搏率都好似未夠喎！   你再盤算吓下面有咩來緊？一)意大利國會組閣鬧劇，其中『五星運動』係一個計時炸彈，雖然死唔倒人，但可以夠造淡。

二)5月美國財赤再來料翻兜，但係點解一直都咁平靜？三)中國打貪腐，你話啲『錢』會點行？四)南北韓、日本仔搞搞振，都係一個可以造淡藉口。

五)樓價如果真係回落成勢，啲人可能對地產股估值及未來業績改觀。

六)美股已破頂，股值已越來越貴。

唔，好消息又有咩呢？美國復甦？業績期？金磚五國老調重彈自組聯盟？哈，美國佬無份玩會由得你地圍威喂咩？我唔係唱好唱淡，只係盡量將所有知道的正負因素全面考慮。

孫子兵法︰多算勝，少算不勝！」   Wing(3/31)︰「啊…..8%不算多嗎？是的，看回過往恆生指數，也有很大幅度的調整︰ 2010年11月08日至2011年10月04日，調整幅度達35%(這應該分析為調整還是熊市？)， 2011年10月28日至2011年11月23日，調整幅度達10%， 2012年02月29日至2012年06月04日，調整幅度達16%。

最長調整期足有一年之多，短則不足一個月。

現在局勢很不明朗，北韓好像很想開戰似的，北韓已經單方面戰爭狀態，只要有點差池，就有大戰了。

」   Marbo(3/31)︰「牛熊市可以參考但不要太執著，那畢竟是約一百年前的理論，創立人當年怎也不會知道有窩輪和IKillULater，更不會知道QE、歐元區成立及金磚五國等等。

那時的美國正在大開發，大藍籌是鐵路股啊！還有，你回去看一看恆指圖，過去四、五年(2009至今)的底部雖然是一浪高於一浪，技術上來說，頂部則要看今次能否突破2010年的24876點高位才知道。

  政治市從來難估，特別係面對一啲極唔透明嘅情況，就更難判斷。

回顧歷史，好多大戰都係因為一時之氣或者錯判形勢高估自己實力所致嘅。

人畢竟係人，唔係永遠都咁冷靜同理智嘅！特別係當人擁有極大權力時，就更加不可以用普通人心態去理解。

不過，我地問題唔係點去理解我地無從入手嘅人物心態，而係你打算將你嘅身家擺係邊，咁係你嘅選擇！ 根據經驗，要估計大市調整底部，就要觀察負面因素是否已經過份反映(不是合理反映)。

對我來說，短期可能已反映左唔少(8%)，中長期似乎未喎！當然，我可能係錯走失左個撈底機會，但我錯左無咩損失只係賺少啲，因為有第一柱貨底，而家只係考慮第二柱落唔落倒飛，所以心情輕鬆，就可以好冷靜咁放長雙眼睇佢地玩咩嘞！   好多人成日以為自己有能力估底估頂，其實邊有得估咁準架？我地知道係事後，決定係事前，預知未來咁係無可能嘅事。

但係班友成日想十上十落玩到盡，最後一係贏一係輸，咁係賭博唔係投資！命中率最多50%，唔少統計都講過『專家』睇市衰過擲骰子，係唔係？所以投資一定要科學化同有進退策略去處理嘛！   咁你又唔好聽我講太多，我都係會睇錯嘅，我只係用策略去補救我嘅誤差。

仲有，你睇吓人心係唔係好搞笑呢？升時估頂就係想高一點先沽，結果都係會低左沽(或者無沽最後坐埋)﹔跌時估底就係想低一點先買，結果又係高左買(或者無買最後無貨)。

呢個迷係『恐懼與貪婪』囉！哈哈，我地迷係度『恐懼與貪婪』緊囉，唔係咩？或者有人會問，咁筆者仲研究來做咩呢？哈哈，咁係一個學習係一種修煉，唔係獲利手段！啊，我準備把我們留言行文，好嗎？」   Wing(3/31)﹔「好啊！這是我的榮幸，謝謝Marbo！」   執筆時，正好是2013/3/31復活節假期，市場上仍是眾說紛紜，有說未跌完，有說已跌完。

認為跌完的論點大概是技術上看自3/18日約21997穩步上升至假前3/28約22299，個浪底一路平步而上，(恆生成份股)成交量徘徊於相約平穩水平，似是之前裂口暴跌後建倉。

認為未跌完的論點大概是中、歐、美、日、朝、韓大概還有甚麼招未出，而且以歷史來說中短期8%調整未算大，大戶「值搏率」也不高啊！   最後，如果有人在投資時嘗試以判斷後市升跌來做決定，那麼在筆者來說，他是在賭博不是在投資，是在賭眼光能否預見未來事情的發生。

分析還分析，討論是可以的，那只是動動腦筋的事，個人當然是判斷不到了未來是升是跌啦！Marbo只以「攻、守、備」策略應對變動，還是那一句，一手執貨，一手執錢﹔錯了，看跌反升仍有貨坐享其成，看升反跌又有錢趁虛而入。

對了，看跌市跌，看升市升，也不要沾沾自喜，更要小心反省「對的原因」，是因為運氣好？還是真的料事如神？前者以後真要小心了，後者也始終要留一手，股市今天的對不代表明天的對，「變幻才是永恆」啊！   本文插圖︰ (1)名畫是華特豪斯(JWW)「北風神波利亞斯」J.W.Waterhouse’Boreas’.WikimediaCommons.畫中人不是北風神，只是畫家見到美人輕紗長裙被一陣北風掀起而作題，筆者說那不如叫此畫「風華絕代」？ (2)2013/3/28「經濟通」恆生指數半年圖Marbo 免責聲明︰本文乃作者個人心得，未經嚴謹學術及大量數據驗證，只可作參考，亦不可視作任何投資方法或建議，當中亦可能出現計算上的誤差，極端例子及立論的粗疏而有所偏差，請以獨立思考判斷之，本部落絕對反對高風險投機及短線投資，例如是窩輪，期指，期權，槓桿，短線買賣等等，本人之看法絕不適用！所有內容亦只是推測，只供參考，不可盡信！ 本網站包含的內容和信息乃根據公開資料分析和演釋，該公開資料，乃從相信屬可靠之來源搜集，這些分析和信息並未經獨立核實和本人並不保證他們的準確性、完整性、實時性或者正確性。

在本網站的行情價格、圖、評論和購買或者出售評分應該謹慎作為僅參考使用，本人不應被視為游說任何訂戶或訪客執行任何交易，您須為所有跟隨在本網站的評論和購買或出售評分執行的交易負責。

本人之文章純熟個人意見並沒有邀請或遊說任何人作出任何投資或買賣決定，對任何資料提供及網站的信息和內容如有更改恕不另行通知。

本人有權但無此義務，改善或更正在本網站的任何部分之錯誤或疏失。

用戶在沒有本人明確的書面同意情況下，不得以任何方式複製、傳播、出售、出版、廣播、公佈、傳遞資訊內容或者利用在本網站的信息和內容作商業用途。

投資股票和其它有價證券附帶風險，本人鼓勵您使用有效的風險管理和教育工具，但本人不能並不會保證任何在本網站現在或未來的購買或出售評論和訊息會否帶來贏利。

過往之表現不一定反映未來之表現，本人不可能作出該保證及用戶不應該作出該假設。

本人也許連結訂戶或訪客至其有興趣的網站，但本人只提供此服務給訂戶或訪客並不為此安排負責。

本人對於任何包含於、經由、連結、下載或從任何與本網站有關服務所獲得之資訊、內容或廣告，不聲明或保證其內容之正確性或可靠性。

對於您透過本網站上之廣告、資訊或要約而展示、購買或取得之任何產品、資訊資料，本人亦不負品質保證之責任。

本文的中英原文如有任何岐異，一切以中文原文為準。

  Marbo,三柱投資法,投資理財,歐債危機,牛市熊市,美債危機鬧劇,歐美經濟對中國影響,廿一世紀三國時代,歐債危機,供求曲線之投資應用,成交量的啟示,美國財技OT,QE3,笑說樓價,QE4,財政懸崖,限漲令,樓價.                   /Xuite日誌/回應(6)/引用(0)沒有上一則|日誌首頁|沒有下一則回應 加我為好友三柱投資法創立人 浪漫古典派作曲家日誌相簿影音 姓名:MarboMarbo marbomarbo's新文章黃金跌穿1700美國通脹研究及啟示奧菲斯的啟示貿易風雲豬肉豆五月事件：ICD-11Snapchat股價鬧劇雀仔唔唱歌上市公司多乾坤靚女揮手ChaconneTriste「夢中的夏康舞曲」 全部展開|全部收合 關鍵字 marbomarbo's新回應沒有新回應！